නිල ඇඳුම

•  6- 10 පන්ති සඳහා නිල්පාට කොට කලිසම
• ඉන නාභි මට්ටමින් අඟල් 1ක් පමණ පහළින් විය යුතුය.
• දණහිසට අඟල් 2ක් ඉහළින් වාටිය මසා නිම කළ යුතුය.

•  6 - 13 පන්ති සඳහා කමිසය
• කොලරය සහිත අත් කොට කමිසයේ අත වැලමිට අඟල් 1ක් ඉහළින් වාටිය සිටින සේ මැද මසා  ගත යුතුය.
• කොලර් බොත්තමේ සිට අඟල් 3ක් ඇතුළත පළමු බොත්තම අල්ලා තිබිය යුතුය.
• සාක්කුවේ වම් ඉහළ කෙළවරේ විද්‍යාලයීය නිල ලාංඡනය අල්ලා තිබිය යුතුය.
• නැගී සිටිය විට අතේ මාපට ඇඟිලි කරුව දක්වා උස තිබිය යුතුය.

• 11 - 13 පංති සඳහා සුදු දිග කලිසම
• ඉන නාභි මට්ටමින් විය යුතුය. නැගිට සිටන විට විලුඹේ පහළ කෙළවර දක්වා උස තිබිය යුතුය. (පාවහන් රහිතව)
• ඉදිරිපස දෙපස රැලි 02 බැගින් යෙදිය යුතුය. කලිසමේ පහළ කෙළවර අඟල් 16 - 18 විය යුතුය.
• පිටුපසට දකුණු පස සාක්කු 01 කි. (පියන් අල්ලා නැති)
• මතු පිටින් ද්විත්ව මැහුම් නොයෙදිය යුතුය.
• ඉන මතු පිටින් පෙනෙන සේ බොත්තම් නොයෙදිය යුතුය.

• ශිෂ්‍යාවන්ගේ නිල ඇඳුම
• කොලර් සහිත සුදු පාට අත්කොට ගවුම
• ගවුම් සායේ වාටිය දණහිස වැසෙන සේ තිබිය යුතු අතර දණබිම ගැසූ විට ගවුම් වාව්යය බිම ගෑවෙන සේ තිබිය යුතුය.
• ගවුම් වාටිය පළල අඟල් 02 ක් විය යුතු අතර ගවුම් සායේ මැද රැල්ල පෙට්ටි රැල්ලකි.
• එය දෙපසට රැලි 02 බැගින් ඉදිරිපස හා පිටුපස රැළි 05 බැගින් විය යුතුය.
• ගවුමේ අත උරහිසේ සිට වැලමිට දක්වා දිගින් භාගයකි. එය ඉතා තද හෝ  ඉතා බුරුල් නොවීය යුතුය.
• ගවුමේ ඉන අතේ වැලමිට කෙළින් තිබීය යුතුය. ඊට වඩා  උස් හෝ පහත් නොවිය යුතුය.
• ගවුමේ කොලරය යොදා ඉදිරිපස කුඩා විවරයක් තබා එය අයිලට හෝ  හක් එකක් මගින් වැසිය යුතුය.
• ගවුම් පටිය අඟල් 22ක් පළල විය යුතු අතර ඉන මට්ටමින් තද වන සේ පැළඳිය යුතුය.
• ගවුම් පටියේ කොටසක් එල්ලා වැටෙන සේ නොපැළඳිය යුතුය.

පාවහන්

• සියලුම ශිෂ්‍ය ශිෂ්‍යාවන් සුදු ලේස් සහිත සපත්තු පැළඳිය යුතුය.
• ඉරි නැති සුදු මේස් නවා පැළඳිය යුතුය.
• සුදු සපත්තු පැළඳිය නොහැකි විටෙක අවසර ලබාගෙන ගැලපෙන චාම් සෙරෙප්පු පැළඳිය යුතුය.
• සපත්තුවල ලෝහ / සම් හෝ රෙදිවලින් සකසන ලද ලාංඡන / බැජ් නොතිබිය යුතුය.
• පාදයේ ඇඟිලි මට්ටමින් ඉදිරියට නෙරා ආ කොටස් නොතිබිය යුතුය.

හිස කෙස් සැකසීම

ශිෂ්‍යයින්ගේ හිසකෙස් සැකසීම

• කොණ්ඩය අඟල් 01 ක් පමණ කෙටියට කපා  පැත්තට පීරා  තිබිය යුතුය.
• ඉදිරියට කෙස් රොදක් ඉතිරි කොට තිබිය යුතුය.
• තෙල් නොවන ආලේපයන් යොදා  හැඩ ගැන්වීම් නොකළ යුතුය. පමණ ඉක්මවා  තෙල් ආලේප කිරීම නොකළ යුතුයි.
• වැඩිහිටි සිසුන් දෛනිකව සම්පුර්ණයෙන් රැවුල කපා තිබිය යුතුයි.
• කුමනාකාරයෙන් හෝ  හිස කෙස් වර්ණ ගැන්වීම නොකළ යුතුය.

ශිෂ්‍යාවන්ගේ හිසකෙස් සැකසීම්

• කොණ්ඩය මැදින් දෙකට බෙදා ගොතා කෙළවර නවා කළු රිබන් පටියකින් කෙළවර ගැට ගැසිය යුතුය.
• ගොතන ලද කොණ්ඩා කරල් පිටුපසින් රඳවා තබා ගත යුතුය.
• කපන ලද කොණ්ඩයක් නම් මුහුණට නොවැටෙන සේ කළු කුඩා කොණ්ඩා කටු 04කින් රඳවා ගත යුතුයි.
• කන් නිරාවරණය වී තිබිය යුතුයි.
• කුමනාකාරයෙන් හෝ හිස කෙස් වර්ණ ගැන්වීම නොකළ යුතුය.